.
.
حيّ الشعر ، بأشعاره .. وْ شعّاره ناس ٍ قروم القوم
نزخر نظم العباره ، و أوتاره .. فيها شجن مزحوم
صوب العرب سيّاره ، مختاره عذب الشعر مختوم
๑
๑
.
ْقلم شاعر؛
.
๑
๑
.
مرحبا مليون .. ، وزياده
عدهن أرضاف بالزودي
مرحبا بكم ملاييين .. بـ كل من حضر و كل من تعذر عن حضوره
مرحبا بالي لفى عاني ..
بيتم تجميع الدروس هنا
بإذنه تعالى
๑
๑
.
๑..{ القصيده}.. ๑
القصيده تتكون قبل لا اتكون قصيده ، هيه بشكل مبسط
القصيده: عباره عن احساس ، و مشاعر انسان ترجمها على حروف ،
هالحروف فيها من الإستعاره و التشبيه و الكنايه و غيرها الكثير ..
غير جيه تدخل ظمن سياق معين ، الي هو [ الوزن – القافيه ] ،
و هالشي يميز القصيده عن الخاطره
يعني هيه أي كلام خاطري ، موزون و مقفى ..!!
ملاحظه : إذا فقد القصيده احد مقوماتها ، لا تسمى قصيده ! بل خاطره .
.
.
يمكن البعض يقول كيف نقدر نوزن القصيده
و هالشي صعب و من هالكلام ..!
وانا اقول ابسط ما في القصيده الوزن ، وفالعاده يتمكن منه الشاعر اما بالفطره
أو من الممارسه ..
لكن في نظري أصعب ما في القصيده " قوة المعنى "
اذا قدر الشاعر يلفت القراء لـ قصيدته ،
بيكون وصل لـ مرحله متقدمه إذا قدر يكسر حاجز التكرار ،
و محاولته في انه اتكون القصيده مفنوده عن غيرها
و احتوتها شئ من الحكمه ..
بيكون قد إرتقى لـ مرحله كبيره
و في نظري هنه ، أقدر أسمي الشاعر " شاعر "
^-^
๑
๑
.
اذا َ الوزن : هو ميزان القصيده .. ولازم تتساوى الكفتين ، الي هم " الصدر و العجز "
إذا قدرنا نضبط الوزن .. قدرنا نفتح باب في عالم القصيد
و أسهل عمليه لــ ضبط الوزن هي " الإلقاء بصوت مسموع "
مثال:
اسمعوا هالشله + القصيد
همم ، اعتقد لاحضتوا اللحن الموسيقي للأبيات ..
مع العلم .. كلهن " الشله و القصيده " ، تمشي على البحر المسحوب
الي هو : (مستفعلن مستفعلن فاعلاتن)
و بالتقطيع العروضي = - - ب - - - ب - - ب - -
هيمن على ارقى الجمال ولمـه .. جمع ثقافات البشر فـي تاجه
قمه على قمـه وذوقـه قمـه .. ذوق وجمال وغـرتٍ وهاجـه
:
دنياي ما تسوى حبيبي بلاياك .. و هجرك وبعدك يالغلا متعبني
أكذب عليك ان قلتلك أقدر انساك .. ما قوى فراقك و انت كل التمني
.
.
๑
๑
.
القافيه: هيه الكلمه التي تنهي القصيده
سواء كانت فالصدر أو فالعجز
فالأبيات شو اتقول
هيمن على أرض الجمال و لمه .. و جمع ثقافات البشر في تاجه
اذا ً = من الابيات نعرف لمه/ تاجه هم قوافي البيت
لمه = مكانها صدر البيت
تاجه = مكانها عجز البيت
فـ إنقول
الصدر : وهو النصف الأول من البيت ويسمى أيضاً المصراع الأول ويصطلح عليه عامياً بالمشد . *
العجز :وهو النصف الثاني من البيت ويسمى أيضاً المصراع الثاني ..
ويعبر عنه العوام بالقفل وتطلق كلمة القفل تجاوزا على البيت كله الا انها تعني بالضبط العجز
*من الكتاب الإلكتروني لشاعر سيف المريخي.
.
.
๑
๑
.
تم كتابة الدرس بقلم : ولد صويلح ..
الأحد أبريل 13, 2008 3:06 pm
